Aspekti psikologjik i përballjes me kancerin e gjirit

Gratë me kancer në gji shpesh ndihen të vetmuara, të izoluara e të pakuptuara. Ankthi i vazhdueshëm për të ardhmen e pasigurtë i bën të mos arrijnë të fokusohen tek e tashmja dhe të harrojnë të shijojnë momentin.

Këshillimi psikologjik dhe psikoterapia ju vijnë në ndihmë këtyre grave në përballimin e kësaj periudhe sfiduese të jetës së tyre. Përmes këtij procesi gratë ndihmohen në:

- Fokusimin tek e tashmja (tani dhe këtu) dhe në daljen nga cikli i vazhdueshëm i mendimeve dhe ndjenjave negative mbi situatën me kancerin. Kështu ato i japin vetes mundësinë të shijojnë momentet e secilës ditë, pavarësisht se çfarë rezervon e ardhmja.

- Krijimin e një distance mendore mes sëmundjes dhe vetes si qënie njerëzore e plotë dhe me vlera. Këto gra ndihmohen që ta shohin veten me të gjitha vlerat dhe kontributet që ato kanë, dhe ku sëmundja është veçse një sfidë në rrugën e tyre.

- Lehtësimin e komunikimit të ndjenjave të vështira me veten dhe me të afërmit. Ato ndihmohen të emërtojnë emocionet dhe t’i shprehin në mënyrë konstruktive.

- Ri-integrimin dhe pranimin e vetëimazhit të ri, së bashku me pasojat që sëmundja ka sjellë tek ato. Beteja me kancerin është një periudhë e vështirë dhe traumatike për çdokënd që e kalon, dhe kërkimi dhe pranimi i ndihmës është element thelbësor për një përballje sa më të suksesshme.

Ermal Azisllari

Psikoterapist

Ekspert në ofrimine shërbimit psikologjik online pranë YWCA

Ndaje
Image placeholder

ABOUT THE AUTHOR

Lorem ipsum dolor sit amet, consectetur adipisicing elit. Ducimus itaque, autem necessitatibus voluptate quod mollitia delectus aut, sunt placeat nam vero culpa sapiente consectetur similique, inventore eos fugit cupiditate numquam!

Kategori te ngjashme

Artikujt me te lexuar

Tryezë diskutimi mbi sfidat e pacienteve me kancerit në gji

Ecja ndërgjegjësuese e vitit 2024

Sesione informimi