Këshillim Psikologjik
YWCA of Albania prej 17 vitesh është angazhuar vazhdimisht në ndërgjegjësimin për parandalimin e hershëm të kancerit të gjirit.
Vajzat dhe gratë me kancer në gji, janë konsideruar si një grup shumë i vulnerabël për shkak të diagnozës, trajtimeve dhe sistemit imunitar të dobët. Konfuzioni, frika nga e panjohura, ankthi, depresioni, i mbivendosen sëmundjes së kancerit së gjirit, duke rritur predispozitën për shfaqje të problemeve të lidhura edhe me mirëqenien psikologjike. Për këtë arsye, YWCA of Albania, ka vendosur të zgjerojë fushatën dhe shërbimet e ofruara, duke mundësuar këshillim psikologjik online falas, me ekspertë të fushës për gratë dhe vajzat me kancer në gji dhe familjarët e tyre.
Si Funksionon ?
Këshillimi psikologjik online do të realizohet 1(një herë në javë), për 50 minuta, nëpërmjet lidhjes me Skype apo Messenger. Seancat javore do të zgjasin derisa vajzat dhe gratë me kancer në gji të kenë përfituar në mënyrë maksimale nga shërbimi.Për të rezervuar takimin online ju lutem kontaktoni në numrat: 0698740489 dhe 0685287924, si dhe në adresën e email-it: [email protected]
YWCA of Albania do të vazhdojë të jetë pranë të gjitha grave dhe vajzave në luftën e tyre me kancerin e gjirit!
Na kontaktoni! Së bashku do ia dalim!
Këshillimi psikologjik online i YWCA
Ofrimi i trajtimit psikologjik online është një shërbim i njohur dhe i praktikuar si jashtë vendit, edhe në Shqipëri.
Ka prova të shumta që tregojnë se shërbimi psikologjik online është efektiv dhe shumë ndihmues për gratë e prekura nga kanceri në gji.
Seancat zhvillohen online 1 herë në javë me një kohëzgjatje prej 50 minutash. Shërbimi i ofruar do të jetë falas.
Këshillimi psikologjik online do t’ju ndihmojë:
- Të përballeni me ndjenjat e ankthit, depresionit apo frikës shkaktuar nga diagnoza e kancerit të gjirit
- Të ndërtoni në mënyrë të suksesshme marrëdhëniet me familjarët dhe miqtë
- Të përballeni me vështirësitë e rutinës së përditshme
- Të rrisni fuqitë përballuese
- Të zhvilloni veten