YWCA ALBANIA

Informim dhe Ndërgjegjësim

Shpërndarja e materialeve informuese dhe ndërgjegjësuese rreth kancerit te gjirit. Vullnetaret dhe stafi i YWCA shpërndajnë në zona të ndryshme broshura dhe fletëpalosje, me qëllim kontaktimin me sa më shumë persona dhe rritjen e ndërgjegjësimit.

Data: September 21st, 2020

10 Vjetori i Kauzës së Fjongos Rozë

Le të mposhtim frikën, turpin, stigmatizimin! Le të mposhtim dhe të parandalojmë! Le të krijojmë një tetor me ngjyra! Ti mund të kontribuosh! Edhe ti! Të gjithë ne! Vishuni me rozë, vendosni fjongon dhe bëhuni këtë muaj bashkëudhëtarë të YWCA of Albania në aktivitetet e planifikuara.

Data: September 22nd, 2020

Marshimi i përvitshëm simbolik

YWCA of Albania është e angazhuar në informimin dhe mbështetjen e vajzave dhe grave në parandalimin dhe identifikimin e hershëm të kancerit të gjirit. Këto nisma janë simbolika të punës sonë, të mesazheve të forcës e guximit, që i shprehim në marshimet e përvitshme, diskutimet e vazhdueshme dhe ndarjet e historive personale.

Data: September 22nd, 2020

Koncert Bamirësie nga Ermonela Jaho

Sopranoja e njohur shqiptare Ermonela Jaho, njëkohësisht ambasadore e YWCA of Albania në kauzën e “Fjongos Rozë” vjen në Tiranë, për t’iu bashkuar zërit të vajzave dhe grave në një koncert bamirësie.

Data: September 22nd, 2020

Takimi me Gra Politikane

YWCA of Albania ka realizuar në 16 prill 2019 takim pune me gra politikane, deputete, ministre, përfaqësuese të këshillave bashkiakë, diplomatë të huaj në Shqipëri, përfaqësues të organizatave ndërkombëtare, mjekë të Spitalit Onkologjik në Tiranë, paciente me kancer në gji, përfaqësuese të OJF dhe bizneseve të ndryshme.

Data: September 26th, 2020

Konferenca në Fakultetin e Shkencave Sociale

YWCA of Albania, në bashkëpunim me Departamentin e Psikologji-Pedagogjisë, pranë Fakultetit të Shkencave Sociale kanë zhvilluar konferencën me titull "Trajtimi psikologjik tek pacientet e diagnostikuara me kancer në gji."

Data: September 26th, 2020

Ecja ndërgjegjësuese e vitit 2020

Viti 2020 shënon përvjetorin e dymbëdhjetë të angazhimit të YWCA of Albania në veprimtari informuese dhe ndërgjegjësuese për parandalimin e kancerit të gjirit te gratë e vajzat. Prej më shumë se një dekade YWCA of Albania është angazhuar në një fushatë informimi dhe ndërgjegjësimi në mbarë Shqipërinë për parandalimin e kancerit të gjirit te gratë e vajzat përmes zbulimit të hershëm të tij.

Data: July 15th, 2021

Dhuro një lule për një jetë

Dhuro një lule për një jetë - ka qënë një nismë e suksesshme e YWCA, në bashkëpunim me Bashkinë e Tiranës dhe një biznes privat lulesh. Me rastin e festave të 7-8 marsit në vitin 2013, në kuadër të luftës kundër kancerit të gjirit, përgjatë 4 ditëve, qindra qytetarë blenë dhe dhuruan lule me një cmim simbolik, duke shprehur kështu ndjeshmërinë e tyre ndaj kësaj sëmundjeje që prek një numër të konsiderueshëm grash.

Data: August 28th, 2021

Peticioni për strategjinë kundër kancerit të gjirit, tetor 2012

Në muajin tetor të vitit 2012 organizata jonë ndërmori një fushatë për nënshkrimin e një peticioni, me anë të të cilit i kërkohet organeve shtetërore, e veçanërisht Ministrisë së Shëndetësisë, hartimi i një strategjie për parandalimin dhe luftën kundër kancerit të gjirit te gratë (teksti i peticionit gjendet bashkëngjitur). Peticioni u nënshkrua nga 16 organizata të shoqërisë civile dhe 77 përfaqësues të shoqërisë civile dhe 313 qytetarë nga rrethe të ndryshme të Shqipërisë.

Data: September 8th, 2021

Mbështet shpresën, lufto për jetën

YWCA of Albania në bashkëpunim me Shoqatën Europa Donna Albania dhe me mbështetjen e Shoqërisë Farmaceutike Hoffmann-La Roche organizuan në datën 10 mars 2017 veprimtarinë “Mbështet shpresën, lufto për jetën”.

Data: September 9th, 2021

Ecja ndërgjegjësuese e vitit 2021

YWCA of Albania, për të 13-in vit organizoi marshimin simbolik, si një nga aktivitetet më të rëndësishme të Fjongos Rozë! Ecëm jo vetëm krah njëri tjetrit, por ishim të bashkuar në zemër e në mendje, se solidariteti do na ndihmojë që faqet e guximit t'i kthejmë në histori fitoreje!

Data: October 20th, 2021

Ekspozita "Nën petkun tënd"

Arti përçon ndjesi që fjalët nuk mund t'i kumbojnë! Nën këtë moto u zhvillua ekspozita "Nën petkun tënd", me 37 piktura të të rinjve nga Shkodra, Durrësi, Tirana dhe Berati, si pjesë e iniciativës "Fjongo Rozë më kujton..." e YWCA of Albania.

Data: October 30th, 2021

Ecja ndërgjegjësuese e vitit 2022

Fjongo Rozë e YWCA ishte në qytetin e Beratit për të realizuar marshimin e 14 të fushatës kundër kancerit të gjirit. Ecja simbolike, e kthyer në traditën e kauzës tonë na bëri bashkë të gjithëve, për të treguar solidaritet e për të theksuar se nuk ka vend për të vuajtur në heshtje. Mesazhet e shpresës u bënë akoma më të fuqishme nga historitë e triumfit të zonjave rozë, që u nderuan me çmimin "Vullnetare të Fjongos Rozë"! Fjongo Rozë na kujtoi sot se diagnostikimi i hershëm shpëton jetë! Fjongo Rozë na kujtoi se kemi 1001 arsye për të buzëqeshur, kur tregojmë mbështetje e pranim!

Data: January 9th, 2023

Forum diskutimi në kuadër të fushatës “Fjongo Rozë më kujton…”

"Kam 2 orë që e harrova sëmundjen"! - thotë Kumria ne fund te forumit te YWCA of Albania. Së bashku me anëtare të Kuvendit të Shqipërisë, përfaqësues të pushtetit qëndror, politikëbërës, përfaqësues të fushës së shëndetit publik, mjekë onkologë, përfaqësues të shoqërisë civile dhe medias ajo dhe disa zonja të tjera, diskutuan mbi sfidat dhe vështirësitë që përballen gratë me kancer në gji. YWCA ndau gjatë forumit të diskutimit rekomandime konkrete, të cilat do iu përçohen strukturave të ndryshme, me qëllim marrjen e hapave të mëtejshëm që do të përmirësojnë cilësinë e jetës të grave me kancer në gji.

Data: January 9th, 2023

"Lunch & learn"

Fjongo Rozë na kujtoi gjatë “Lunch and learn” se dhimbja zvogëlohet kur ndahet me persona që të kuptojnë dhe se humaniteti ngjyros çdo vështirësi! … Këto dreka miqësore janë realizuar me zonjat tona rozë, të cilat kanë ndarë përvojat e tyre, duke na frymëzuar dhe emocionuar me forcën dhe guximin për të tejkaluar sfidat gjatë përballjes me kancerin e gjirit. Fjongo Rozë na kujtoi edhe një herë rëndësinë e kujdesit për veten, nevojën për mbështetje ndaj njëri tjetrit, nevojën për të ecur së bashku në misionin për jetën…

Data: January 10th, 2023

Ecja ndërgjegjësuese e vitit 2023

Ecja simbolike e YWCA… së bashku duke ndërmarrë hapa për një të ardhme më të sigurtë, më rozë e plot shpresë! Ndihemi të nderuar që Fjongo Rozë u përkrah nga shumë e shumë vullnetarë, qytetarë, përfaqësues të qeverisë lokale e qëndrore, përfaqësues të organizatave ndërkombëtare e trupave diplomatikë, gra të diagnostikuara me kancer në gji, përfaqësuese të OJF dhe bizneseve të ndryshme.

Data: January 22nd, 2024

Videot "1 në 8"

Fushata e 16-të e ndërgjegjësimit për kancerin e gjirit nga YWCA of Albania u çel nga ambasadorja e fushatës, sopranoja e njohur Ermonela Jaho. YWCA ndau videon e saj të titulluar “1 në 8”, duke theksuar realitetin se një në tetë gra është në rrezik të zhvillojë kancerin e gjirit. Pas videos së saj emocionuese, shumë figura të njohura nga fusha të ndryshme iu bashkuan nismës duke ndarë versionet e tyre të mesazhit “1 në 8” në rrjetet sociale, duke përfshirë artistë të njohur, muzikantë dhe personalitete të medias, politikanë, gra që luftojnë me kancerin e gjirit, anëtarë të komunitetit, aktivistë dhe partnerë që përforcuan thirrjen për ndërgjegjësim dhe veprim.

Data: March 10th, 2025

Pink Ride

Në bashkëpunim me SunRide, YWCA organizoi dy evente “Pink Ride” si pjesë e fushatës së vitit 2024. Pjesëmarrës të të gjitha moshave, përfshirë paciente, mbështetës të kauzës dhe anëtarë të komunitetit, pedaluan së bashku për të promovuar një mënyrë jetese të shëndetshme dhe për të shprehur solidaritet me ata që preken nga kanceri i gjirit. Ky aktivitet krijoi një ndjenjë uniteti, duke i kujtuar pjesëmarrësve rëndësinë e përpjekjeve të përbashkëta në luftën kundër kancerit të gjirit.

Data: March 10th, 2025

Filiza shprese me Fjongon Rozë

YWCA, me mbështetjen e Agjencisë së Parqeve dhe Rekreacionit të Bashkisë Tiranë, realizoi aktivitetin "Filiza shprese me Fjongon Rozë" ku mbollëm disa qershi në ambientet e Liqenit Artificial të Tiranës, në kujtim të atyre që nuk janë më, në mbështetje të pacientëve që janë në trajtim dhe me shpresë për një të ardhme më të mirë për të gjithë. Ky aktivitet na kujtoi rëndësinë e lidhjes me natyrën, për të jetuar të shëndetshëm, por edhe për ta përdorur mjedisin për lidhje shpirtërore, sociale, e reflektime personale.

Data: March 10th, 2025

Ekspozita "1 në 8"

Në kuadër të fushatës së 16, YWCA organizoi ekspozitën "1 në 8", të realizuar nga fotografi Rezart Gurashi, ku u paraqitën portrete mbresëlënëse që kapnin forcën dhe reziliencën e grave që kanë luftuar me kancerin e gjirit. Ky event ishte emocionues dhe frymëzues, pasi të ftuarit u njohën me historitë pas çdo portreti dhe theksuan rëndësinë e rritjes së ndërgjegjësimit dhe parandalimit.

Data: March 10th, 2025

Fjongo Rozë në stadiume

Duke e bërë Fjongon Rozë pjesë të ndeshjeve të rëndësishme sportive, YWCA of Albania theksoi se sporti mund të jetë një forcë shtytëse për ndryshime pozitive. Ky iniciativë bashkoi lojtarët, tifozët dhe komunitetin në mbështetje të një kauze jetike, duke rritur ndërgjegjësimin për parandalimin dhe diagnostikimin e hershëm të kancerit të gjirit.

Data: March 10th, 2025

Të rinjtë promovojnë Fjongon Rozë

YWCA vazhdon bashkëpunimin me shkolla dhe grupe rinore në qytete të ndryshme të vendit, duke zhvilluar aktivitete që fokusohen në ndërgjegjësimin për zbulimin e hershëm dhe parandalimin e kancerit të gjirit. Konkurset e organizuara inkurajuan kreativitetin dhe angazhimin e të rinjve në përhapjen e mesazheve të rëndësishme shëndetësore, duke theksuar rolin e tyre jetik në promovimin e parandalimit të kancerit të gjirit dhe kujdesit për shëndetin.

Data: March 10th, 2025

Fit for Pink

Iniciativat "Fit for Pink" nga YWCA ndërthurin aktivitetin fizik me ndërgjegjësimin për parandalimin e kancerit të gjirit dhe promovimin e një jetese të shëndetshme. Këto aktivitete, si pilates në natyrë, sesione fitnesi, etj. theksuan rëndësinë e kontrolleve të rregullta dhe adaptimit të një stili jetese të shëndetshëm për të reduktuar rrezikun e zhvillimit të kancerit të gjirit.

Data: March 10th, 2025

Sesione informimi

Pjesë e fushatës së përvitshme të YWCA of Albania për ndërgjegjësimin për kancerin e gjirit vijojnë të jenë sesionet informuese të dedikuara, të cilët zhvillohen me grupe të ndryshme të komunitetit për të promovuar diagnostikimin e hershëm dhe edukimin mbi shëndetin e gjirit.

Data: March 10th, 2025

Ecja ndërgjegjësuese e vitit 2024

Më 10 tetor 2024, YWCA organizoi me sukses marshimin simbolik të 16-të kundër kancerit të gjirit, në qytetin e Shkodrës. Përmes këtij eventi, YWCA riafirmoi misionin e saj për të rritur ndërgjegjësimin publik mbi rëndësinë kritike të parandalimit të kancerit të gjirit dhe diagnostikimit të hershëm. Përveç kësaj, YWCA bëri thirrje për rritjen e investimeve shtetërore në programet e parandalimit të kancerit të gjirit dhe për sigurimin e trajtimit të denjë dhe gjithëpërfshirës për gratë dhe vajzat që preken nga kjo sëmundje.

Data: March 10th, 2025

Tryezë diskutimi mbi sfidat e pacienteve me kancerit në gji

YWCA organizoi një tjetër tryezë diskutimi si pjesë e fushatës së saj të 16-të. Ky event mblodhi gra politikane, përfaqësues të shëndetësisë, onkologë, paciente me kancer në gji, përfaqësues të shoqërisë civile dhe vendimmarrës, për të adresuar sfidat financiare dhe shoqërore me të cilat përballen gratë me kancer në gji në Shqipëri. Gjatë takimit, YWCA prezantoi rekomandimet kryesore të nxjerra pas konsultimeve me pacientët dhe ekspertët, me qëllim përmirësimin e cilësisë së jetës për çdo të prekur.

Data: March 10th, 2025

Aktivitetet kryesore të Fjongos Rozë përgjatë viteve të fundit