Informacione

Fakte mbi kancerin e gjirit
Në Shqipëri kanceri i gjirit ka tendencë në rritje. Ai prek afro 700 gra dhe vajza në vit, prej të cilave një e treta humb jetën. Kjo betejë për jetën bëhet edhe më e vështirë për të prekurat me mundësi ekonomike të pakta, pasi kostoja e kurimit është mjaft e lartë dhe atyre u është dashur të përballen me mangësi të shumta në spitalet shtetërore që nga barnat dhe deri tek aparaturat.

Kanceri i gjirit ka ardhur në rritje në Shqipëri që nbga fundi i viteve 80. Aktualisht risku është 45 raste të reja për 100 mijë gra në Shqipëri, çka me shifra të tjera do të ishte 600 -650 raste të reja në vit.

Kanceri është shkak për vdekjen 16.5% të shqiptarëve dhe në totalin e kancereve ai i gjirit zë 13-14%, ose e thënë ndryshe një në 7 vdekje vjen nga ky kancer. Rreth 80% të grave që preken nga kanceri i gjirit janë mbi 45 vjeç. Ndërkaq harta e shërbimit të kiomoterapisë është shtrirë edhe në spitalet rajonale përveç Tiranës, në Vlorë, Shkodër, Elbasan, Durrës, Korçë dhe Fier. Por synimi kryesor mbetet parandalimi, përmes kontrolleve periodike mbi moshën 40 vjeç.

  • Është kanceri më i përhapur tek gratë dhe shkak kryesor për vdekjen e tyre.

  • 75% e grave shqiptare paraqiten te mjeku kur kjo sëmundje është në një fazë të përparuar.

  • Numri i grave të diagnostikuara ka ardhur duke u rritur nga viti në vit

  • Është një sëmundje shumë e kushtueshme.

Sfidat që përjetojnë gratë me kancer në gji
  • Vështirësi në pranimin e sëmundjes
  • Frikë dhe pasiguri për të ardhmen
  • Vështirësi në komunikimin e diagnozës familjarëve
  • Fshehje e diagnozës ose vështirësi komunikimi tek fëmijët
  • Vështirësi emocionale
  • Implikime të shëndetit mendor
  • Probleme me shëndetin fizik
  • Vështirësi gjatë trajtimeve mjekësore
  • Përballje me ndryshimet e pamjes së jashtme
  • Tërheqje dhe izolim
  • Vështirësi në krijimin e marrëdhënieve sociale dhe intime
  • Probleme me vetëvlerësimin
  • Frikë ripërsëritje
  • Probleme me identitetin
  • Vështirësi ekonomike
  • Ndryshime të dinamikave familjare
Aktivitetet kryesore të Fjongos Rozë
YWCA of Albania zhvillon një sërë aktivitetesh në kuadër të kauzës së Fjongos Rozë. Veprimtaritë ndërgjegjësuese dhe informuese zhvillohen përgjatë gjithë vitit, por sidomos gjatë muajit tetor. Tetori Rozë është në mbarë botën muaji për ndërgjegjësimin, parandalimin dhe mbështetjen e të mbijetuarave me diagnozën e kancerit të gjirit.

Disa nga aktivitetet kryesore të realizuara nga YWCA of Albania përgjatë viteve, mbështetur nga partnerët dhe bashkëpunëtorët në këtë kauzë:

  • Realizimi i video mesazheve nga Ambasadorja e Kauzës së Fjongos Rozë, Znj. Ermonela Jaho mbi rëndësinë e ndërgjegjësimit për kancerin e gjirit dhe zbulimin e hershëm përmes ekzaminimeve, për çdo grua dhe vajzë.
  • Ecja simbolike, çdo vit në muajin tetor, për të marshuar së bashku dhe për t`i dhënë zë shpresës dhe jetës.
  • Realizimi i koncertit të Bamirësisë me pjesëmarrjen e jashtëzakonshme të ambasadores së YWCA Ermonela Jaho, shoqëruar me artistë të tjerë të mirënjohur. Të ardhurat e koncerit të bamirësisë do përdoren për të realizuar qëllimin e YWCA për hapjen e një qendre psiko-sociale për gratë me kancer në gji.
  • Ofrimi i këshillimit psikologjik online falas, me qëllim përmirësimin e cilësisë së jetës së grave me kancer në gji.
  • Mbështetjen me paketa me produkte ushqimore dhe higjienike për rreth 200 të mbijetuara me kancer në gji.
  • Shpërndarja e kuponëve të mamografisë falas.
  • Zhvillimi i aktivitetit "Vullnetar i Fjongos Rozë", më fokus ndarjen e çmimeve të mirënjohjes për kontributin e disa prej vullnetareve ndër vite.
  • Aktivitete informuese dhe ndërgjegjësuese në qytete të ndryshme të Shqipërisë.
  • Takime me mjekë, me fokus diskutimin rreth nevojës për kontrolle mjekësore, por edhe shenjave të hershme diagnostikuese.
  • Takime informale me të mbijetuarat nga kanceri i gjirit, për të ndarë përvojat, eksperiencat, mesazhet e triumfit dhe shpresës.
  • Realizimi i materialeve ndërgjegjësuese.
  • Shpërndarja e informacionit nëpërmjet fletëpalosjeve dhe broshurave.
  • Vendosja e posterave dhe banderolave
  • Realizimi i dokumentarit ``Tre rrëfime Shprese``, me ndarjen e historive të triumfit të zonjave të prekura nga kanceri i gjirit
  • Rritja e informimit dhe ndërgjegjësimit nëpërmjet bisedave në televizione dhe radio
  • Zhvillimi i fushatave informuese dhe ndërgjegjësuese në rrjetet sociale
  • Realizimi i dokumentarit të historisë së tre vajzave, që ndajnë përvojat dhe përjetimin nga përballja me sëmundjen e kancerit të gjirit të nënave të tyre.
  • Prezantimi i gjetjeve dhe rekomandimeve të Studimit mbi Diskriminimin në Punësimin e Grave me Kancer në Gji gjatë një takimi me gra politikane, ministre, përfaqësues të këshillit bashkiak, diplomatë të huaj në Shqipëri, përfaqësues të organizatave ndërkombëtare, mjekë të Spitalit Onkologjik të Tiranës, paciente me kancer gjiri, përfaqësues të OJQ-ve, si dhe biznese të ndryshme.
  • Zhvillimi i aktiviteteve ndërgjegjësuese dhe konferencave tek Universiteti i Mjekësisë dhe Fakulteti i Shkencave Sociale
  • Realizimi i sfidave online “Përqafimi i fjongos rozë” dhe “Vera e fjongos rozë”.
  • Promovimi i fjongos rozë në aktivitete sportive (futboll, basketboll, pilates, spinning) për të rritur ndërgjegjësimin mbi kauzën dhe rëndësinë e jetesës së shëndetshme.
  • Realizimi i ekspozitës me piktura nga të rinjtë e titulluar “Nën petkun tënd”.
  • Realizimi i konkurseve me të rinjtë për të ndarë sa më shumë informacion mbi kancerin e gjirit, për shkak të nevojës për ndërgjegjësim të tyre dhe rritje të angazhimit në këtë kauzë sensitive.
  • Realizimi i forumeve të diskutimit me gra politikane
  • Realizimi i ekspozitës me fotografi të grave me kancer në gji të titulluar “1 në 8”
  • Mbjellja e pemëve të qershisë pranë Liqenit Artificial të Tiranës në mbështetje të pacienteve që janë në trajtim dhe me shpresë për një të ardhme më të mirë për të gjithë
  • Realizimi i videove ndërgjegjësuese nga personazhe të njohur përgjatë të gjithë vitit nën moton “1 në 8 gra”