Ecja ndërgjegjësuese e vitit 2020

 

Viti 2020 shënon përvjetorin e dymbëdhjetë të angazhimit të YWCA of Albania në veprimtari informuese dhe ndërgjegjësuese për parandalimin e kancerit të gjirit tek gratë e vajzat.  Prej më shumë se një dekade YWCA of Albania është angazhuar në një fushatë informimi dhe ndërgjegjësimi në mbarë Shqipërinë për parandalimin e kancerit të gjirit tek gratë e vajzat përmes zbulimit të hershëm të tij.

Ndërkohë që ne vijojmë luftën tonë, kanceri i gjirit zhvillon “betejat” e veta duke marrë përmasat e thuajse një epidemie. Çdo vit statistikat flasin për një prirje në rritje të numrit të grave të prekura, duke bërë që kanceri i gjirit të jetë kanceri më i përhapur në Shqipëri dhe shkaku kryesor i vdekjes së tyre. Vetëm gjatë vitit 2019 në Shqipëri u diagnostikuan me kancer të gjirit mbi 600 gra.

Ecja tradicionale ndërgjegjësuese mbi dobinë e parandalimit të kancerit të gjirit, nën moton “Fjongoja rozë më kujton...”  u mbajt në datën 23 tetor 2020, ora 11.00 në qytetin e Elbasanit. Ecja u pasua me shfaqjen e video-mesazhit të zonjës Ermonela Jaho, Ambasadore e YWCA of Albania për kauzën e luftës kundër kancerit të gjirit; për të vijuar me dhënien e disa çmimeve për vullnetaret e Fjongos Rozë, dorëzuar nga Ministria e Shëndetësisë dhe Mbrojtjes Sociale znj.Manistirliu, Koordinatorja e Përhershme e Kombeve të Bashkuara, znj. McCluney, Ministria e Arsimit, Rinisë dhe Sportit, znj. Kushi, Kryetari i Bashkisë Elbasan z. Llatja, Ambasadorja e Shteteve të Bashkuara, znj. Kim, etj dhe për të vazhduar me prezantimin e aktiviteteve të tjera që po zhvillohen përgjatë muajit tetor.

Ky aktivitet u organizua me mbështetjen e Zyrës së Marrëdhënieve me Publikun të Ambasadës Amerikane në Shqipëri, ABI Bank, Bashkinë Elbasan, Top-Median, Shoqërinë Farmaceutike Hoffmann-La Roche, Spitalin Hygeia,  UNFPA, Sophie Caffe, Haussbrandt, etj.

 

Ndaje
Image placeholder

ABOUT THE AUTHOR

Lorem ipsum dolor sit amet, consectetur adipisicing elit. Ducimus itaque, autem necessitatibus voluptate quod mollitia delectus aut, sunt placeat nam vero culpa sapiente consectetur similique, inventore eos fugit cupiditate numquam!

Kategori te ngjashme

Artikujt me te lexuar

Tryezë diskutimi mbi sfidat e pacienteve me kancerit në gji

Ecja ndërgjegjësuese e vitit 2024

Sesione informimi