Marshimi i përvitshëm simbolik

YWCA of Albania është e njohur për marshimin simbolik përgjatë muajit tetor, muaji që shënjon një rritje të intensitetit të veprimtarive të YWCA, duke qenë se është muaji ndërkombëtar mbi ndërgjegjësimin për kancerin e gjirit.

Ecja tradicionale e përvitshme është veprimtaria që e bën më të dukshme kauzën e YWCA ku pjesëmarrja është shumë e madhe, ngjyra rozë mbush qytetin dhe informacioni se diagnostikimi i hershëm shpëton jetë bëhet më i fuqishëm.

Marshimi simbolik nisi në vitin 2008 në qytetin e Tiranës, për tu bërë një ngjarje shënjuese e rëndësishme e Kauzës Rozë. Ecja është zhvilluar edhe në qytete të tjera, ku përmendim ecjen në Shkodër (2016), në Lezhë (2017), në Korçë (2018), apo në Elbasan (2020) me qëllim përhapjen dhe përqëndrimin e shërbimeve në shumë zona të Shqipërisë. Gjatë ecjes, realizohen një sërë aktivitetesh, si shpërndarja e materialeve ndërgjegjësuese, çantave, bluzave, çadrave si dhe fjongove rozë, simbolit të kauzës.

Është e rëndësishme që të përmendet se me kalimin e viteve ka një rritje të pjesëmarrjes në kauzën tonë, duke treguar kështu rritje të ndërgjegjësimit. Marshimi simbolik bën bashkë burra dhe gra, përfaqësues të shoqërisë civile, përfaqësues të qeverisjes lokale dhe qëndrore, duke i dhënë kështu një imazh dhe zë të përbashkët fuqie dhe bashkimi Fjongos Rozë.

Ecja simbolike është kthyer tashmë traditë e YWCA of Albania, nëpërmjet së cilës synohet që të tregohet haptazi mbështetja në luftën kundër kancerit të gjirit, shoqëruar edhe me një rritje të ndjeshmërisë ndaj të gjithë aktorëve të rëndësishëm dhe gjithë shoqërisë për këtë çështje. Ecjet simbolike janë një mundësi që njerëzit të ndajnë informacione, të mos ndihen vetëm dhe të shkëmbejnë eksperiencat dhe përvojat personale, të karakterizuara nga mesazhi i shpresës dhe guximit.

Gjithashtu, marshimet janë një mënyrë tjetër për të risjellë edhe një herë në vëmendje problemin e kancerit të gjirit, për të rritur ndërgjegjësimin për vlerën dhe dobinë jetësore të parandalimit, por edhe për trajtimin dinjitoz e të merituar të grave e vajzave të prekura nga kanceri i gjirit.

   

     

   

   

   

   

   

     

    

   

   

   

   

   

   

   

   

   

   

   

   

   

   

   

   

   

   

 

Ndaje
Image placeholder

ABOUT THE AUTHOR

Lorem ipsum dolor sit amet, consectetur adipisicing elit. Ducimus itaque, autem necessitatibus voluptate quod mollitia delectus aut, sunt placeat nam vero culpa sapiente consectetur similique, inventore eos fugit cupiditate numquam!

Kategori te ngjashme

Artikujt me te lexuar

Tryezë diskutimi mbi sfidat e pacienteve me kancerit në gji

Ecja ndërgjegjësuese e vitit 2024

Sesione informimi