Takimi me gra politikane

YWCA of Albania ka realizuar në 16 prill 2019 takim pune me gra politikane, deputete, ministre, përfaqësuese të këshillave bashkiakë, diplomat të huaj në Shqipëri, përfaqësues të organizatave ndërkombëtare, mjekë të Spitalit Onkologjik në Tiranë, paciente me kancer në gji, përfaqësuese të OJF dhe bizneseve të ndryshme. Temë e këtij takimi ishte prezantimi nga YWCA of Albania i gjetjeve dhe rekomandimeve të nxjerra nga një Studim rreth Diskriminit në Punësim të grave që vuajnë nga kanceri i gjirit. Përtej sëmundjes, dhimbjes, vuajtjes së individit të prekur nga kanceri i gjirit, dramës familjare, problematikë vijon të mbetet punësimi i këtyre grave pas tejkalimit të sëmundjes. Mbështetja sociale dhe punësimi i tyre ishin çështje që kërkojnë politika të mirëfillta nga shteti dhe aplikimin e tyre edhe nga biznesi.

Disa konkluzionet nga diskutimi i Studimit për Diskriminimin në Punësim të Grave të diagnostikuara me kancer në gji

1. Vazhdimësia e punës me Aleancën e Grave në Parlament, si një instrument efikas për inisiativa që lidhen me rekomandimet e YWCA.
2. Hartimi i dokumentit me sugjerimeve për hapat në vazhdimësi.
3. Krijimi i një grup pune, i cili do të punojë dhe do të ndjekë problematikat e ngritura dhe veprimtaritë që duhen ndërmarrë.
4. Organizimi i tryezave të diskutimit për të hartuar një plan pune.
5. Angazhimi i pushtetit vendor.
6. Krijimi i një paketë informuese me informacion ligjor në mbështetje të grave të diagnostikuara me tumor malinj në gji dhe të identifikohen pikat hyrëse në sistem.
7. Ofrimi i mbështetjes psikologjike për gratë e diagnostikuara me kancer në gji, si pjesë e shërbimeve të Qendrës Multifunksionale të ideuar prej kohësh nga YWCA of Albania, në përshtatje me praktikën ndërkombëtare.
8. Komisioneri për Mbrojtjen nga Diskriminimi është një ndër institucionet që mund të ofrojë mbrojtje nga sjelljet diskriminuese në punësim qoftë në administratën publike dhe në sektorin privat.
9. Avokati i Popullit ka mandat të veprojë vetëm në sektorin publik, ka disa tentativa për ta shtrirë mandatin edhe në sektorin privat, por janë vetëm në fazën ideore.

Në kuadër të fushatës së 14-të kundër kancerit të gjirit, nën moton “Fjongo rozë më kujton…”, YWCA zhvilloi një forum diskutimi më 27.10.2022, me pjesëmarrjen e partnerëve dhe mbështetësve të kauzës, përfaqësues nga Ministria e Shëndetësisë, gra deputete, përfaqësues të shoqërisë civile, mjeke, si dhe gra të mbijetuara nga kanceri i gjirit. Qëllimi kryesor i takimit ishte diskutimi i sfidave me të cilat përballen gratë me kancer gjiri, nevojat që ato kanë dhe çfarë strategjie duhet të ndjekin të gjithë aktorët e shoqërisë për të përmirësuar jetën e tyre, duke ofruar shërbimet e nevojshme dhe me standarde bashkëkohore.

Gjatë diskutimit u ndanë disa propozime dhe rekomandime, me qëllim përmirësimin e jetës së grave me kancer gjiri, si p.sh.:

• Hartëzimi i shërbimeve që ofrojnë të gjitha strukturat
• Krijimi i një databaze me të dhënat e të gjithë pacientëve me kancer gjiri
• Ofrimi i trajtimeve të personalizuara dhe bashkëkohore për të gjithë pacientët
• Ofrimi i shërbimeve mbështetëse dhe multidisiplinare
• Fokusimi në ofrimin e këshillimit psikologjik
• Ofrimi i mbështetjes ekonomike për gratë dhe vajzat e diagnostikuara me kancer gjiri
• Decentralizimi i ofrimit të shërbimeve

Pas takimit, YWCA ka dërguar zyrtarisht rekomandimet në Kuvendin e Shqipërisë, me qëllim ndërmarrjen e hapave ligjorë për përmirësimin e jetës së grave me kancer gjiri.

Më 18.10.2024, YWCA of Albania organizoi një tjetër tryezë të rrumbullakët, si pjesë e fushatës së 16-të të ndërgjegjësimit për kancerin e gjirit. Pjesë e saj ishin gra politikane, përfaqësues të shëndetit publik, onkologë, pacientë me kancer gjiri, drejtues të shoqërisë civile, dhe vendimmarrës të ndryshëm me qëllim adresimin e sfidave financiare dhe sociale me të cilat përballen gratë me kancer në gji në Shqipëri. Gjatë takimit, YWCA prezantoi rekomandimet kryesore të hartuara në bazë të konsultimeve me pacientët dhe ekspertët, duke synuar përmirësimin e cilësisë së jetës për gratë që po luftojnë me këtë sëmundje.

Masat e propozuara përfshinin:

• Investimin në pajisje PET Skaner në Qendrën Spitalore Universitare “Nënë Tereza” për diagnostikim më të saktë të kancerit të gjirit.
• Lehtësimin e procedurave të KEMP, duke aplikuar për përfitime vetëm një herë në tre vite për gratë me kancer të gjirit.
• Ofrimin e parukave dhe protezave të gjoksit për gratë që diagnostikohen me kancer gjiri dhe i nënshtrohen mastektomisë dhe kemioterapisë.
• Rritjen e aksesit në shërbimet ekzistuese për pacientët me kancer gjiri dhe rritja e dukshmërisë së informacionit të nevojshëm.
• Hartimin e spektrit të plotë të shërbimeve të nevojshme për pacientet dhe familjarët e tyre, duke përfshirë mbështetje financiare, sociale dhe emocionale.
• Ofrimin e trajtimit të plotë medikamentoz për këtë patologji.
• Zbatimin e plotë të "Planit të Kontrollit të Kancerit 2021-2031" në të gjitha qendrat kirurgjikale.
• Certifikimin e mjekëve kurues për garantimin e trajtimit profesional dhe të sigurt.

Tryeza e rrumbullakët theksoi rëndësinë e bashkëpunimit ndërsektorial për të nxitur reformat dhe për të forcuar sistemet mbështetëse për pacientët me kancer gjiri.

ABOUT THE AUTHOR

Lorem ipsum dolor sit amet, consectetur adipisicing elit. Ducimus itaque, autem necessitatibus voluptate quod mollitia delectus aut, sunt placeat nam vero culpa sapiente consectetur similique, inventore eos fugit cupiditate numquam!