Fjongo rozë më kujton se duhet të informohem dhe ndërgjegjësohem rreth parandalimit të kancerit të gjirit.
Fjongo rozë më kujton solidarizimin me të gjitha vajzat dhe gratë e prekura nga kanceri i gjirit – nuk jemi kurrë vetëm.
Fjongo rozë më kujton moton e afirmimit të jetës përmes kujdesit dhe mbështetjes.
Shërbimi psikologjik online falas, ofrohet për herë të parë nga YWCA of Albania me qëllim mbështetjen e grave me kancer në gji, për të përmirësuar cilësinë e jetës së tyre!
Seancat zhvillohen online 1 herë në javë me një kohëzgjatje prej 50 minutash.
A e di se ende shumë vajza dhe gra vuajnë në heshtje diagnostikimin me kancer në gji për shkak të stigmatizmit dhe paragjykimit? A e di se ka një mungesë të madhe të informacionit mbi kancerin e gjirit...
Ermonela Jaho, sopranoja me famë botërore, është Ambasadore e YWCA për kauzën e Fjongos Rozë. Ajo i është bashkuar këtij misioni fisnik përmes angazhimit të saj të vazhdueshëm në sensibilizimin dhe mbështetjen e kësaj nisme.
Si Ambasadore, Ermonela Jaho luan një rol kyç në përçimin e mesazheve të informimit dhe ndërgjegjësimit, duke rritur vetëdijen e komunitetit mbi rëndësinë e parandalimit dhe diagnostikimit të hershëm të kancerit të gjirit. Ajo bën një thirrje të fuqishme për të gjithë – burra dhe gra, të rinj dhe të reja – që t’i bashkohen qindra vullnetarëve që kanë zgjedhur të jenë pjesë e kësaj kauze.
YWCA of Albania që prej vitit 1997 është pjesë e familjes së madhe të WORLD YWCA me misionin e fuqizimit të grave dhe vajzave në shumë fusha, sociale, ekonomike, ligjore, etj. me qëllimin e pjesëmarrjes së tyre aktive në krijimin e një shoqërie të emancipuar dhe të barabartë.
Lidhur ngushtë me filozofinë e YWCA, një nga kauzat më të rëndësishme është misioni i Fjongos Rozë, që lidhet me veprimtaritë ndërgjegjësuese për kancerin e gjirit, duke qenë se është një nga sëmundjet që prek në pjesën më të madhe gratë dhe vajzat. Fjongo Rozë ka si mision ndërgjegjësimin për parandalimin dhe diagnostikimin e hershëm të kancerit të gjirit, nëpërmjet njohjes së simptomave, informimit, si dhe nxitjes dhe fuqizimit të vajzave për të pasur kujdes ndaj shëndetit të tyre. Veprimtaria e Fjongos Rozë nga YWCA of Albania ka nisur në vitin 2008 në Tiranë, me marshimin simbolik dhe tashmë të përvitshëm, një ngjarje që kërkon të rrisë vëmendjen ndaj situatës së kancerit të gjirit.
Puna e vazhdueshme ka treguar se diagnostikimi me kancer në gji shoqërohet me frikë për të ardhmen, pasiguri, pyetje të shumta, traumë, shok dhe ndryshim të dukshëm të marrëdhënieve. Gjithashtu, statistikat në Shqipëri tregojnë se rreth 700 gra diagnostikohen me kancer në gji çdo vit, që iu përkasin zonave të ndryshme urbane apo rurale, me status të ndryshëm socio-ekonomik apo nivel edukimi. Pra, në vitin e saj të 17, Fjongo Rozë vazhdon misionin për ndërgjegjësimin, për parandalimin, për diagnostikimin e hershëm, për shpresën, për jetën!
YWCA of Albania, ka synuar të jetë sa më origjinale në moton që karakterizon fushtatën. “Fjongo rozë më kujton” është motoja që duhet të karakterizojë tetorin dhe jo vetëm. “Fjongo rozë më kujton” synon të përçojë mesazhin e kujdesit ndaj vetes, synon të kujtojë të gjitha vajzat dhe gratë për kontrolle të vazhdueshme, “Fjongo rozë më kujton” nënkupton informimin, “Fjongo rozë më kujton” kumbon ndërgjegjësimin për parandalim të hershëm, “Fjongo rozë më kujton” synon të jetë një moto për solidarizim me të gjitha vajzat dhe gratë e prekura me kancerin e gjirit, “Fjongo rozë më kujton” është moto që tregon rëndësinë e bashkimit dhe të mos qenit vetëm…“Fjongo rozë më kujton” është motoja që afirmon jetën, nëpërmjet kujdesit dhe mbështetjes!
Realizim i materialeve informuese
Takime me gra dhe vajza
Takime me mjekë
Aktivitete informuese në qyetete të ndryshme të Shqipërisë
Ndarje e spoteve ndërgjegjësuese në televizone dhe radio
Video ndërgjegjësuese nga ambasadorja znj Ermonela Jaho dhe personazhe të njohur
Shpërndarje e materialeve informuese
Fushatë në mediat sociale
Takime informale me zonjat me kancer në gji
Këshillim psikologjik falas
Mbështetje psiko-sociale me qëllim përmirësimin e cilësisë së jetës
Sipas statistikave, kanceri i gjirit ka pësuar një rritje të diagnostikimit në vendin tonë. Çdo vit, rreth 700 vajza dhe gra diagnostikohen me kancer më gji, nje trend ne rritje edhe ne bote. Rastet e ekzaminimit të vonë të kancerit në gji janë të shpeshta, ndikuar nga shumë arsye, ku specifikisht në Shqipëri vlen të përmendet mungesa një kulture të përgjithshme ndaj kontrolleve dhe kujdesit për shëndetin
Lexo më shumë
YWCA of Albania ka realizuar në 16 prill 2019 takim pune me gra politikane, deputete, ministre, përfaqësuese të këshillave bashkiakë, diplomat të huaj në Shqipëri, përfaqësues të organizatave ndërkombëtare, mjekë të Spitalit Onkologjik në Tiranë, paciente me kancer në gji, përfaqësuese të OJF dhe bizneseve të ndryshme
Lexo më shumë
YWCA of Albania përgjatë periudhës prill-gusht 2020 ka nisur fushtaën intensive të mbështetjes së grave me kancer në gji me pakteta me produkte ushqimore dhe higjenike. Rreth 200 gra kanë përfituar nga mbështetja e YWCA of Albania. Ky shërbim është mundësuar falë bashkëpunimit me partnerët e YWCA, si Hoffman La Roche, Mylan, World YWCA, AgnaGroup dhe lindi si nevojë emergjente gjatë periudhës së shkaktuar nga Covid-19.
Lexo më shumë
``Fjongo rozë më kujton! Le të jetë kjo shprehja e muajit, e shpresës, e solidarizimit, e jetës! YWCA of Albania është e angazhuar në informimin dhe mbështetjen e vajzave dhe grave në parandalimin dhe identifikimin e hershëm të kancerit të gjirit. Këto nisma janë simbolika të punës sonë, të mesazheve të forcës e guximit, që i shprehim në marshimet e përvitshme, diskutimet e vazhdueshme dhe ndarjes së historive personale. Ne jemi këtu! Ne jemi më të fortë së bashku! Ne jemi më të fortë kur kauzën tonë e mbështet ambasadorja jonë, sopranoja me famë botërore Ermonela Jaho!
Lexo më shumë
Video shprese dhe histori suksesi! Emocione, mesazhe triumfi dhe kurajo përshkruan historitë e vajzave guximtare, që rrëfyen historitë e tyre me nënat fitimtare në betejën me kancerin e gjirit, duke kumbuar fort se gjjëa më e rëndësishme është të mos humbësh shpresën, të mos humbësh zemrën. Copëzat e jetës të rrëfyera në video me shumë emocione, vërtetësi, tingëllonin fort se guximi nuk është mungesa e frikës, por të gjykuarit se përtej vështirësive triumfon dashuria për jetën!
Gjatë kohës së pandemisë, ju ishit nga të paktat shoqata që menduat edhe për ne, gratë me kancer në gji! Unë jetoj vetëm, por falë shërbimit tuaj,më treguat që ju kam pranë, sidomos në ditë të vështira. Këshillimi psikologjik online është shumë i rëndësishëm, sepse është ilaç për shpirtin, për të cilin kemi më shumë nevojë. Dua t`i sugjeroj çdo zonje të kontaktojë me ju dhe të përfitojë nga mbështetja shumë e madhe që ofroni!
Unë jam Fitore Zenelaj 29 vjeç, e diagnostikuar me kancer të gjirit. Dua të falenderoj përzemërsisht që ma ofruat mundësinë të kem kontakt me psikologun dhe të zhvilloj seanca virtuale. Personalisht mua më kanë ndihmuar shumë, sepse ne kemi nevojë që t`i flasim gjërat që na tundojnë brenda nesh, edhe mua personalisht nuk më kanë brengosur e as lodhur trajtimet e sëmundjes, sa më kanë lodhur psikologjikisht ndikimet e të tjerëve. Më kanë ndihmuar shumë këto seanca të zhvilluara me profesionistin Florian Kulla dhe prej tyre kam kuptuar që të jetoj jetën pa më interesuar për tjerët më shumë. Jeta është shumë e vlefshme , njëkohësisht shumë e shkurtër për të humbur kohë. Prandaj si përfundim kam nxjerrë një shprehje: “Duajeni dhe respektojeni veten sa më shumë, nëse nuk e bëni ju për veten tuaj , mos prisni ta bëj dikush tjetër për ju! Faleminderit
Shoqata YWCA duke ofruar këshillime online falas personave të prekur nga kanceri i gjirit. Gjatë kohës së vështirë, kohën më të vështirë, ka ofruar shpresën për jetë këtyre personave. Unë personalisht pata rastin të marr këshillime nga psikologu Skerdi Zahaj i cili më ndihmoi jashtë mase për tejkalimin e karantinës nga COVID-19.
Në këtë mesazh dua të ndaj eksperiencën e këshillimit psikologjik të ofruar nga YWCA of Albania, me terapisten Anila Sulstarova. Nga përvoja e jetës kam kuptuar se në këtë rrugëtim çdo person luan një rol qëndror në historikun e botës. Takimi me psikologët është në dobi të gjithkujt. Do të doja që këtë privilegj që kam unë, ta kishin të gjithë. I jam shumë mirënjohëse YWCA që më ofroi këtë mundësi. Zoti i bekoftë angazhimin dhe përpjekjet e YWCA në përkrahje të njerëzve në nevojë.
Shërbimi i këshillimit nga YWCA, është shumë korrekt , profesional dhe ka dhënë shumë rezultat tek unë. Faleminderit dhe respekt për ju!
YWCA faleminderit për mbështetjen tuaj! Jeta është e bukur dhe jam e kënaqur që falë jush edhe një herë po e jetoj! Faleminderit përzemërsisht.
Une dua të falenderoj shumë, po shumë nga zemra ju si YWCA dhe psikoterapistin dr.Ermalin që më ka ndihmuar shumë në çdo seancë terapie, për gjithë këto muaj, duke bërë që të përballoj si problemet shëndetësore të gjirit, por sidomos për mbështjen për shendetin mendor. Edhe njëherë faleminderit të gjithëve, jeni shumë të mirë, Zoti ju bekoftë!
Falënderime për të gjithë stafin tuaj YWCA of Albania, në veçanti për terapisten Anila Sulstarova. Kam qënë pjesë e këshillimit tuaj psikologjik online gjatë gjithë periudhës së karantinës, por vazhdoj akoma ta marr këtë shërbim. Të gjitha seancat më kanë ndihmuar shumë dhe më kanë ndihmuar në mënyrën e reflektimit. Ju ftoj të gjithave të merrni pjesë në këshillimin psikologjik online pasi do t' ju bëj të ndjeheni mirë psikologjikisht ! Jeta është po aq e gjatë, por edhe aq e shkurtër dhe duhet ta jetojmë atë sa më bukur ! Faleminderit!
Gjatë kohës së pandemisë, ju ishit nga të paktat shoqata që menduat edhe për ne, gratë me kancer në gji! Unë jetoj vetëm, por falë shërbimit tuaj,më treguat që ju kam pranë, sidomos në ditë të vështira. Këshillimi psikologjik online është shumë i rëndësishëm, sepse është ilaç për shpirtin, për të cilin kemi më shumë nevojë. Dua t`i sugjeroj çdo zonje të kontaktojë me ju dhe të përfitojë nga mbështetja shumë e madhe që ofroni!
Unë jam Fitore Zenelaj 29 vjeç, e diagnostikuar me kancer të gjirit. Dua të falenderoj përzemërsisht që ma ofruat mundësinë të kem kontakt me psikologun dhe të zhvilloj seanca virtuale. Personalisht mua më kanë ndihmuar shumë, sepse ne kemi nevojë që t`i flasim gjërat që na tundojnë brenda nesh, edhe mua personalisht nuk më kanë brengosur e as lodhur trajtimet e sëmundjes, sa më kanë lodhur psikologjikisht ndikimet e të tjerëve. Më kanë ndihmuar shumë këto seanca të zhvilluara me profesionistin Florian Kulla dhe prej tyre kam kuptuar që të jetoj jetën pa më interesuar për tjerët më shumë. Jeta është shumë e vlefshme , njëkohësisht shumë e shkurtër për të humbur kohë. Prandaj si përfundim kam nxjerrë një shprehje: “Duajeni dhe respektojeni veten sa më shumë, nëse nuk e bëni ju për veten tuaj , mos prisni ta bëj dikush tjetër për ju! Faleminderit
Shoqata YWCA duke ofruar këshillime online falas personave të prekur nga kanceri i gjirit. Gjatë kohës së vështirë, kohën më të vështirë, ka ofruar shpresën për jetë këtyre personave. Unë personalisht pata rastin të marr këshillime nga psikologu Skerdi Zahaj i cili më ndihmoi jashtë mase për tejkalimin e karantinës nga COVID-19.
Në këtë mesazh dua të ndaj eksperiencën e këshillimit psikologjik të ofruar nga YWCA of Albania, me terapisten Anila Sulstarova. Nga përvoja e jetës kam kuptuar se në këtë rrugëtim çdo person luan një rol qëndror në historikun e botës. Takimi me psikologët është në dobi të gjithkujt. Do të doja që këtë privilegj që kam unë, ta kishin të gjithë. I jam shumë mirënjohëse YWCA që më ofroi këtë mundësi. Zoti i bekoftë angazhimin dhe përpjekjet e YWCA në përkrahje të njerëzve në nevojë.
Shërbimi i këshillimit nga YWCA, është shumë korrekt , profesional dhe ka dhënë shumë rezultat tek unë. Faleminderit dhe respekt për ju!
YWCA faleminderit për mbështetjen tuaj! Jeta është e bukur dhe jam e kënaqur që falë jush edhe një herë po e jetoj! Faleminderit përzemërsisht.
Une dua të falenderoj shumë, po shumë nga zemra ju si YWCA dhe psikoterapistin dr.Ermalin që më ka ndihmuar shumë në çdo seancë terapie, për gjithë këto muaj, duke bërë që të përballoj si problemet shëndetësore të gjirit, por sidomos për mbështjen për shendetin mendor. Edhe njëherë faleminderit të gjithëve, jeni shumë të mirë, Zoti ju bekoftë!
Falënderime për të gjithë stafin tuaj YWCA of Albania, në veçanti për terapisten Anila Sulstarova. Kam qënë pjesë e këshillimit tuaj psikologjik online gjatë gjithë periudhës së karantinës, por vazhdoj akoma ta marr këtë shërbim. Të gjitha seancat më kanë ndihmuar shumë dhe më kanë ndihmuar në mënyrën e reflektimit. Ju ftoj të gjithave të merrni pjesë në këshillimin psikologjik online pasi do t' ju bëj të ndjeheni mirë psikologjikisht ! Jeta është po aq e gjatë, por edhe aq e shkurtër dhe duhet ta jetojmë atë sa më bukur ! Faleminderit!
Ju mund të rezervoni një takim nëpërmjet kësaj platforme. Gjithashtu, mund të kontaktoni në numrat 042271642 dhe 0698740489.
Ka disa mënyra kontaktimi. Vizitoni këtë website ose telefononi në numrat 042271642 dhe 0698740489.
Ndërhyrjet psikologjike janë të efektshme në reduktimin e dhimbjeve, simptomave apo efekteve anësore të mjekimit. Trajtimi psikologjik zvogëlon dukshëm ankthin para operacionit, dhimbjen, si dhe eleminon një sërë sjelljesh që paraprijnë ose shoqërojnë kimioterapinë. Teknikat psikologjike mund të përdoren për të krijuar imazh pozitiv për veten, për të rritur motivimin në aplikimin e sjelljeve të reja dhe për të lehtësuar rikthimin në jetën e përditshme, pas përfundimit të trajtimit mjekësor.
Diagnostikimi dhe trajtimet për kancerin e gjirit shoqërohen edhe me ndryshime në pamjen e jashtme, të cilat mund të shkaktojnë probleme me konceptimin e vetes. Gjatë këtij procesi, nëse ndjeni nevojë për mbështetje, konsultohuni me YWCA, për ofrimin e sherbimit psikologjik online falas.
Mbështetja e familjes gjatë përballjes me kancerin e gjirit është shumë e nevojshme. Për këtë arsye, ndani gjendjen shëndetësore dhe emocionale me njëri-tjerin. Nëse është e nevojshme kërkoni ndihmën e profesonistëve.
Mbështetja psikologjike gjatë diagnostikimit me kancer në gji është shumë e rëndësishme për të ndryshuar mendimet shqetësuese, si dhe për të rritur aftësitë përballuese, me qëllim normalizimin e rutinave jetësore.
Rruga “Him Kolli” Pall. DQ.13 Tiranë P.O.Box 2970
